Rwanda: Nyabihu, umucuruzi Gasore yishwe ku manywa yihangu, ariko ntibibujije Kagame gukomeza kubeshya muri ONU!
Umwicanyi Paul Kagame akomeje kubeshya amahanga, avuga ko u Rwanda ari Paradizo, mu binyoma bye akaba yumvikanisha ko avugira Afurika yose kandi abicanyi be barimo kuyogoza igihugu cyose bakaba bakomeje gucura imiborogo mubanyarwanda! Nyuma yo kwica Syldio Dusabumuremyi wari umuhuzabikorwa wa FDU Inkingi kuwa mbere taliki ya 23/09/2019, uyu munsi kuwa gatanu taliki ya 27/09/2019 mu karere ka Nyabihu, umucuruzi witwa Habarurema Jean Claude uzwi ku izina rya "Gasore" yarashwe amasasu y'urufaya ku manywa yihangu n'umwicanyi w'umupolisi wa Kagame, ahita ashiramo umwuka! Imana imuhe iruhuko ridashira.
Amakuru "veritasinfo" ikensha "Radio 1" yo mu Rwanda, aremeza ko Bwana Gasore wishwe amaze gukorerwa ibikorwa by'iyicarubozo yari umucuruzi uzwi w'inkweto. Uyu Gasore abaturage bakaba bari bamuzi nk'inyangamugayo. Ikibabaje ni uko kuri uyu munsi taliki ya 27/09/2019, saa sita z'amanywa Gasore yarasiwe mu murenge wa Bigogwe mu karere ka Nyabihu. Gasore yari avuye mu karere ka Rubavu (Gisenyi) yerekeje mu karere ka Musanze (Ruhengeri) afite agafuka karimo imiguru 10 y'inkweto agiye kuzicuruza kuko ariwo mwuga akora.
Imodoka yarimo igeze mu kagari ka Kijote mu murenge wa Bigogwe, imodoka yarimo yahagaritswe n'abicanyi b'abapolisi. Gasore aboneraho gusohoka muri iyo modoka ye afite n'agafuka ke karimo imiguru 10 y'inkweto. Umupolisi yahise amwirukaho, amurasa amasasu 2 ntiyamuhamya, Gasore abibonye atyo arahagarara, umupolisi aramufata amukubita inshyi 2 mu matwi, arangije aramwicaza amutunga imbunda! Gasore aratakamba amanika amaboko kuko yabonaga ko uwo mupolisi ashaka ku murasa, ibyo ariko ntibyabujije uwo mwicanyi w'umupolisi guhita amurasa amasasu abiri aba aramwishe! Abaturage babirebaga bahise bahahamuka kubera uburyo Gasore yishwemo, bashaka no kwigaragambya ariko bagira ubwoba baratuza! Nuko Gasore aba yishwe nk'imbwa azira gusa ngo "gukekwaho gucuruza inkweto za magendu"! Rwanda uragana he?
Izi mpfu za hato na hato ziri kuba mu Rwanda mu gihe umwicanyi mu kuru Paul Kagame ari kubeshya amahanga ko abanyarwanda yabateje imbere bakaba bafite ubwisungane mu buvuzi bugeze kuri 90% kandi akaba yarazanye n'impunzi z'abanyafurika ziri muri Libiya mu Rwanda, mu gihe impunzi z'abanyarwanda ari kuzicira mu mashyamba ya Congo! Ubwisungane umwicanyi Kagame avuga ni ikinyoma, kuko abaturage bari kwirirwa barira ko bari gukubitwa kuko babuze amafaranga y'ubwisungane bw'ubuzima! Impamvu abo baturage bakubitirwa kwivuza ni uko mu byukuri ubwo bwisungane bwo kwivuza butabageraho ahubwo amafaranga abaturage batanga yitwa ay'ubwisungane akaba ariyo atunze abo bicanyi b'inkotanyi!
Hasi aha murumva ubuhamya bw'abaturage bo mu murenge wa Munyiginya mu karere ka Rwamagana bakubitwa na Gitifu w'umurenge ngo ni uko babuze ubwisungane bwo kwivuza! Abekecuru bagakubitwa amaguru amanitse, bakambwikwa ubusa kukarubanda!
Imikorere nk'iyi ni ubukunguzi !