Rwanda-Uganda: Amasezerano ya Museveni na Kagame no gutaburura umurambo wa Kizito MIHIGO nyuma ugatwikwa!
Ishyingurwa rya Nyakwigendera Kizito MIHIGO ririmo urujijo rukomeye, kugeza ubu umurambo we ntabwo urashyikirizwa umuryango we kandi aho azashyingurwa ntabwo haramenyekana neza. Amakuru "veritasinfo" ikura muri bamwe mu bashinzwe umutekano wa Kagame yemeza ko umwicanyi Kagame yemeye ko umurambo wa Kizito uzashyingurwa kuri uyu wa gatandatu taliki ya 22/02/2020; gusa nta muntu numwe uzabona ku murambo wa Kizito Mihigo, uzaba upfutse hose, uri mu isanduku ifunze, hanyuma imva bazamushyinguramo izahita ishyirwaho abasilikare bo kuyirinda nk'uko barinze imva ya YEZU CHRISTU.
Biteganyijwe ko nyuma y'igihe gito Kizito ashyinguwe, umurambo we uzakurwa mu mva washyizwemo, hanyuma ujye gutwikirwa ahantu hatazwi, ivu ryawo barijugunye mu ruzi rwa Nyabarongo! Ibyo byose bikaba biteganyijwe gukorwa mu rwego rwo gusibanganya ibimenyetso bishobora kugaragaza uko Kizito Mihigo yishwe kandi abazi urupfu rwe bakaba bazanyerezwa buhorobuhoro mu ibanga rikomeye kugirango batazatanga amakuru bafite kuri urwo rupfu! Mu gihe abanyarwanda bose bari mu cyunamo cy'uwo muziranenge Kizito MIHIGO wishwe na Paul Kagame, kuri uyu wa gatanu taliki ya 21/02/2020 Yoweri Kaguta Museveni uyobora Uganda yakoranye inama n'umwicanyi Ruharwa Paul Kagame ku mupaka wa Gatuna uhuza ibihugu byombi, maze izo nshuti magara kuva kera zikaba zashyize umukono ku masezerano yo kohererezanya abo bita abanzi babo, bahungira muri kimwe mu bihugu bayoboye. Birumvikana ko abanyarwanda bahunze umwicanyi Kagame niboherezwa mu Rwanda bazicwa nka Kizito MIHIGO cyangwa bakanyerezwa nka TWAGIRIMANA Boniface n'abandi benshi Kagame yivuganye!
Ku mbuga nkoranyambaga zihurirwaho n'abanyarwanda benshi, hari ubusesenguzi bwinshi buvuga kuri aya masezeranyo ya Kagame na Museveni, uwitwa Dickson Rwema arabitubwira muri aya magambo, yagize ati:
"ABAGABO DEAL BAYIGEZE KU MUSOZO.
Kaguta na Kagame bafite byinshi basangiye kuruta ducye mwibwirako bashobora kuba bapfa. Muribyo byinshi basangiye harimo ibyiza ndetse n'ibibi bakoranye bityo kuba umwe yahinduka undi byaba ari nko gutema ishami wicariye.
Iyi kinamico rero bamazemo imyaka itatu baturangaza yari baringa cyane kuko ku ruhande rwabo bombi ntawagize icyo ahahombera ahubwo rubanda arirwo rwahahombeye, rwishwe urubozo, rwafunzwe ruzira amaherere ariko abateguye agakino bigaramiye....none rero deal igeze ku musozo, plan à long terme bakoze igiye kubabyarira amatunda.
1) RUD urunana na FDLR baguye muruwo mutego bamenera kaguta amabanga bizeye ko agiye kubakiza umwanzi, bamwe arabashuka baza kuba Uganda kugirango bahategure habe base none bagiye kubatoragura babahe kagame kumeza ubundi abatapfune.
2) RNC network muri Uganda naho birujujwe ubu bagiye kubatoragura uhereye kuri Pasteri Deo n'abandi bose bashutswe bagahobagizwa ngo bararwanya umuntu nyamara batazi uko agakino kameze...mbabwira...ababyijanditsemo muhame hamwe babatoragure.
3) Mu rwego rwo guhererekanya abanyabyaha, ntibireba abo muriyo mitwe gusa, ahubwo urutonde rw'abo kigali yari irwaye yarabuze impamvu yabafatira uganda birujujwe nabamwe bibeshyagako bahungiye muma kambi y'impunzi nibabe bigena kigabo ubishoboye atahe hakiri kare, yiyahurire aho ari, cyangwa ashake ahandi atorongerera kuko birasaba koga amagazi amazi si yayandi. Dukomeze twikurikiranire agakino".
Dicks on Rwema (facebook).