Rwanda: Uburwayi bw'icyuririzi bwafashe KABAREBE James nabwo ni ikigeragezo cy'ubutegetsi bwa Kagame Paul na FPR!

Muri iyi minsi Ministre w’ingabo Kabarebe James yatangiye kugira ibibazo bikomeye by’ubuzima. Nyuma y’aho umucamanza w’igihugu cy’Ubufaransa Bruguière atangiye impapuro zo guta muri yombi abasilikare bakuru ba FPR bakekwaho kugira uruhare mu ihanurwa ry’indege ya Prezida Habyarimana Juvenal ; Ministre w’ingabo James Kabarebe yagize ibibazo byo kwivuza uburwayi asanganywe kuko yagombaga kwivuriza mu bihugu byo hanze. Kubera ko ubuzima bwe bwari bubangamiwe mu mwaka w’2009 yiyahuye mu gihugu cy’Afurika y’epfo agiye kwivuza , agezeyo atabwa muri yombi ku italiki ya 06/11/2009 afungwa amasaha 24,ubwo umucamanza wo mu gihugu cya Espagne nawe umushakisha yatangiraga gusaba Afurika y’Epfo kumushyikiriza ubucamanza bw’icyo gihugu, Kagame paul yatanze amafaranga menshi ashobora kumutorokesha nta nkuru yo kubarwa !

Nyuma yaho Kabarebe yakomeje kujya yivuza magendo, abaganga bakava hanze , igihugu kikabaha amafaranga menshi kugira ngo baze kumuvurira mu Rwanda. Mu kwezi kwa mutarama 2012, nabwo Kabarebe yacitse gato ingabo z’Ubufaransa mu gihugu cya « Cote d’ivoire » zari zigiye kumuta muri yombi (kanda aha usome iyo nkuru kuburyo burambuye), n’ubwo bisobanurwa ko yari agiye mubutumwa bw’akazi , ahanini  yari agiye kwivuza uburwayi afite cyane ko kuva muri uwo mwaka haziyemo ubundi burwayi bw’icyuririzi bwo kwibagirwa cyane , ubwo burwayi bwo kwibagirwa bukaba bwitwa Alzheimer mu rurimi rw’igifaransa !

 Ingaruka z’uburwayi bwa Kabarebe ku kazi akora no ku gihugu.

Ubushize twabagejejeho ikibazo gikomeye cyo gufata ibyemezo binyuranye mu miyoborere y’urugamba muri Congo, aho Kagame Paul na Kabarebe bohereza abasilikare muri Congo gufasha imirwano umutwe wa M23 bakabaha n’amabwiriza yo kurwana gusa, mu gihe ubuyobozi bukuru bw’ingabo (Etat-major) nabwo buha amabwiriza ingabo ziri kurugamba muri Congo yo kutarwana igihe hagitegerejwe ibindi byemezo ! uko guhuzagurika niko gutuma umukuru w’ingabo zirwanira kubutaka z’u Rwanda Kamanzi Mushyo yivumbura kubyemezo byafashwe na Kagame na Kabarebe kandi uwo mugaba w’ingabo ntashobore guhindurwa kuko ibibazo atumvikanaho na Kagame na Kabarebe biba byavuye mu nama y’abasilikare bakuru bose ; kumuhindura rero ntibikunda kuko bose baba babibona kimwe kiretse Kabarebe afashe uwo mwanya we akawubangikanya n’uwo kuba ministre w’ingabo!

Igituma ubwumvikane bucye buboneka mu kuyobora urugamba muri Congo bugaragara cyane biterwa na bwa burwayi bwa Kabarebe ; kuko iyo bamubwiye ibintu (Etat Major) arabyibagirwa , maze akabwira Kagame ko ntakibazo ko bagomba kurwana intambara muri Congo nk’uko bayirwanye mu myaka y’1996 ! Bamubaza uko bayirwanye akabyibagirwa kubera bwa burwayi !Mu gihe impuguke za ONU zamukoragaho iperereza ry'inkunga u Rwanda ruha umutwe wa M23, kubera uburwayi bwo kwibagirwa Kabarebe yamennye ibanga abwira impuguke za ONU ko ariwe uyobora uwo mutwe, none ubu impapuro zo kumuta muri yombi ngo aburane ibyaha by'intambara M23 yakoze zirimo zitegurwa! 

Kabarebe yibagiwe byinshi cyane kandi afite umwanya w’ubuyobozi ukomeye mu gihugu ; inkuru yasohotse mu kinyamakuru « igihe.com » igaragaramo bwa burwayi bwa Kabarebe ! Muri iyo nkuru Kabarebe yibagiwe ko ingabo z’inkotanyi zishe abahutu muri Congo ! Ibyo ntakibyibuka niyo abivuze ubona ko mu mutwe we atazi ko n’abantu ari kubwira bicaye imbere ye harimo ababuze abantu bo mu miryango bishwe n’inkotanyi mu mashyamba ya Congo ! Kabarebe yibagiwe ko ubwo bwicanyi inkotanyi zakoreye impunzi z’abahutu muri Congo bwakorewe raporo ikomeye cyane n’impunguke z’umuryango w’abibumbye ndetse ikaza kwemezwa n’uwo mu ryango mu mwaka w’2010 !Kabarebe yibagiwe ko yabaye n’umugaba mukuru w’ingabo za Congo kuburyo ubimubajije yahuta abigarama !

Kabarebe ntakibuka ko yica impunzi z'abahutu muri Congo abazungu babafashaga bari bafite ibyuma byafataga amajwi n'amashusho!

Kabarebe yibagiwe ko Kagame Paul ubwe yivugiye ko ingabo ze zishe impunzi z’abahutu batashakaga, izindi bakazicyura ! Umenya izo zindi bacyuye arizo zari zicaye imbere ya Kabarebe akibwira ko n’ubwo zo zitishwe zibagiwe ko inkotanyi zarimbuye impuzi z’abahutu ndetse harimo na bene wabo !

Biragaragara ko ubu burwayi bwo kwibagirwa bwafashe Kabarebe busa n’ubutangiye ku munga intore nyinshi za FPR k’uburyo n’amahanga asigaye azireba akazishisha ! Harya ngo hazabaho inkiko Rukokoma zizakosora amakosa inkiko Gacaca zakoze ?  Muri iyo Rukokoma ntihazibagirane no gusuzuma abicanyi Ruharwa nkaba ba Kabarebe bibagiwe ibyaha bakoze kuko ntibashobora no gusaba imbabazi z’ibyaha bakoze batakibuka kubera uburwayi !

Igihugu kiyobowe n’abafite uburwayi bwo kwibagirwa nka Kabarebe kiragana habi , kuko Kabarebe ashobora kwibagirwa ko ari ministre w’ingabo agatanga itegeko ryo kurimbura abaturage yibwira ko ari kwica impunzi z’abahutu nk’uko yabikoze mu mashyamba ya Congo!

Abaturage murarye muri menge !

Kanda aha wumve uko Kagame yivugira ubwo ko yarimbuye impunzi

Ubwanditsi !